Anaigazteak Konpainia Euskaraz

2008-12-03T16:14:00.001+01:00

Ongi etorri !
Donibane Lohitzungo dantza talde bat gira eta euskal dantza berritu nahi ginuke estiloak nahasiz. Gurekin harremanetan sartzeko : bodarin@sfr.fr

2008-12-03T16:06:00.018+01:00

Azaroaren 26a, Larunbatan, 7.30 etan

BODARIN

L'Entrepôt Antzokian - Le Haillan (33)

Berria - 2008-12-03

2008-12-03T16:03:00.001+01:00

2008-10-21T18:39:00.003+02:00

Ongi etorri !

Donibane Lohitzungo dantza talde bat gira eta euskal dantza berritu nahi ginuke estiloak nahasiz. Gurekin harremanetan sartzeko : bodarin@orange.fr

2008-10-21T18:28:00.011+02:00

Abenduaren 20a, Larunbatan, 8etan
Abenduaren 21a, Igandean, 4etan
Espace 1789 Antzokian - St Ouen (93)

Prezioa : 8 € / 11 €

Espace 1789 : 01.40.11.50.23 - Pariseko Euskal Etxea : 01.40.10.11.11

Soinuko Zerenda

2008-10-21T18:17:00.002+02:00

Argiko Zerenda

2008-10-21T18:06:00.005+02:00

94 Estructura a Prolyte 400 cuadra
30 Estructura a Prolyte 300 cuadra
4 Estructura a MPT Prolyte kit tower fuera de vigas
4 Motor 1 tonelada

8 Tapas anchura 3m altura 8m
4 Tapas anchura 7,5m altura 8m
8 Estructura embase para tótem
2 Paciencia 12 m
1 Motor 0,5 tonne

16 Découpe 1000W
36 Plan convexe 1000W
12 PAR 64 240V/1000W (CP60,61,62)
6 PR design 150
2 Gradateur ADB 36 X 2kw
1 Console malighting 24/48
1 Máquina tiene niebla
1 Liquida Niebla
1 Videoproyector + DVD
1 Pantalla para la video

Argia 2

2008-10-21T18:03:00.002+02:00

2008-10-16T17:02:00.004+02:00

Azaroaren 9an, Igandea, 6etan

Gare du Midi Antzokian - Miaritze
Abenduaren 20ean, Larunbata, 8etan

Abenduaren 21ean, Igandea, 4etan

Espace 1789 Antzokian - St Ouen (93)

Aurrerakina

2008-10-16T13:21:00.001+02:00

Laburpenak

2008-10-16T12:02:00.002+02:00

Kanaldudeko Bideoa

2008-10-16T10:04:00.004+02:00

Sud Ouest - 2008.04.09

2008-10-16T10:00:00.002+02:00

Euskal Kazeta - 2008.04.10

2008-10-16T09:59:00.002+02:00

Sud Ouest - 2008.05.10

2008-10-16T09:58:00.002+02:00

Euskal Kazeta - 2008.03.30

2008-10-16T09:57:00.001+02:00

Semaine du Pays Basque - 2008.04.24

2008-10-16T09:55:00.002+02:00

Sud Ouest - 2008.04.02

2008-10-16T09:54:00.002+02:00

Semaine du Pays Basque - 2008.04.03

2008-10-16T09:52:00.001+02:00

Berriak - 2007.12.15

2008-10-16T09:46:00.001+02:00

Neskak

2008-10-16T09:44:00.002+02:00

Gizonak

2008-10-16T09:43:00.002+02:00

Plural

2008-10-16T07:24:00.001+02:00

Patrik Larralde

2008-10-16T07:21:00.001+02:00

1976an sortua , Pariseko Euskal Etxean haunditzen da, hango musika, dantza eta biziaz inguraturik. Musika 11 urtetan hasten du Pariseko musika kontserbatorioan. Bere adineko mailan, bigarren saria irabazten du pianoan. 15 urtetan, helduen mailan, Pariseko Kantu Txapelketaren bigarren saria eta publikoaren saria irabazten ditu. 18 urtetan, Euskal Herrirat heldu da bizitzerat eta Hiriburuko LEINUA taldean sartzen da dantzari eta musikari gisa. Dantzarentzat, pieza batzu sortzen ditu eta laster LEINUAren emanaldien zuzendaritza musikala hartzen du (Nahas mahas 1998an edo Xiberoko mazkak 1999an). Denbora berean, Leinuako Txarangaren zuzendaritza hartuz, Anaban izeneko lehen diska grabatzen du 2001ean. Diska horren harmonisazio osoa bakarrik egin du (hilabete batez 2000 diska baino gehiago salduko dira).

Baionako kontserbatorioan, Beñat Achiaryren klasea segitu eta, Poitiers-eko CESMDAn sartzen da. Han, Estatuko Diploma lortzen du Musika Tradizionalean. Okzitania, Bretainia, Frantzia eta Amerikako artistak ezagutu eta (Lubat, Pifarelli edo Tisnes), Euskal Herrirat itzultzen da burua proiektuz beterik. Hala nola, 2002an Lur zaharra sortzen du eta 2005ean Ithurri zaharretik.

Orain, Iparraldeko Dantzarien Biltzarra-ren lehendakaria da eta Euskal Kultur Erakundearen administratzaile bat. CMDTA-n (Akitaniako musika eta dantza tradizionalen elkartea-n) administratzaile postu bat dauka eta Iparraldeko Trikitixa Elkartea-ren sortzailea da.

Gaur-egun, dantza eta musika tradizionalean ezaguna da. 2007an, Nun da panderoa emanaldia sortzen du eta 2006an, Vanda antzerkiaren musika idazten. 2007an, Aintzina diskan parte hartzen du eta 2008an, bere lehen diska pertsonala (bere musika eta kantuak) atera behar luke (kasik egina dago) Malestruk izenarekin

ANAIGAZTEAK Konpainia parte hartzen du hastapenetik : 2001ean Ibilaldi Bat eta 2004ean Bidean zehar emanaldien musikak idazten eta harmonisatzen ditu, 10 musikariren zuzendaritza hartuz ere.

Beraz, BODARIN emanaldian parte hartzea errexki onartu du, musika tradizionala gaurko soinuekin nahasteko gogoarekin (bainan hemen, musikari gutiagorekin eta teknika mailan, eskaera zorrotzagoekin lan egin beharko du).

Joxean San Miguel

2008-10-16T07:10:00.003+02:00

1967-an sortzen da Zaragozen. Josean-ek bere hauspo-soinu ikasketak goizik hasten ditu Gasteizko Asociación Alavesa del Acordeón elkartean. Gero, Gasteizko Goi-mailako Kontserbatorioan sartzen da eta ondotik Parise alderat joaiten da. Han, konposaketa, analisia edo azterketa, musikaren idazketa lantzen ditu C. BALLIF, H. EXTREMANIA eta I. DUHA erakasleekin. 1993 eta 1997 arteko urteetan, ikastaldiak egiten ditu Europan barna. Horren ondotik, euskal kostalderat bizitzerat heldu da eta Baionako kontserbatorioan sartzen. P. CABALETTE eta P. DEFOSSEZ erakasleekin, harmonisazioan, analisian eta idazkeran hobetzen da, baita ere elektro-musikan eta soinu-grabaketen konposaketan.

Behin eta berritz sariztatua izan bada ere, Urrezko Medaila edo Domina ukaiten du analisia eta idazkerarentzat eta SACEM elkarteko saria 1994 eta 1995 urteetan. Musika eta abesbatza erakaskuntzan, bere CAPES-a lortzen du. Ondotik, 2000-garren urtean, Baionako kontserbatorioan, konposaketa saria ukaiten du (DEM diploma).

Bere diskografian sei diska konda ditzakegu. 1997-an, Pomarez-eko harmoniaren Juanita de Mayo lanean parte hartzen du. Harmonisatzen eta sortzen du ere euskal dantzarentzat : hala nola Zirrin Zarran (1998), Burgaintzi (2000), Dantza Ele (2005) bainan ere kantuarentzat Besta Soinu – Chant d’Enfants (2004). Horrez gain, pieza osoak sortzen ditu dantza baletentzat, hala nola Kutx ala Pil (2005).

Beraz ez da harrigarria errexki onartu baldin badu ANAIGAZTEAK konpainiak egin dion proposamena. 2007-aren hastapenean, BODARIN emanaldiaren flamenko parte musikala osoki sortu du. Ziburun etxea izanki, parada on bat da beretzat bere jatorria (española) eta euskal kulturaz duen ikusmoldearen nahasteko.

Maina Corronado

2008-10-15T20:22:00.003+02:00

Donibane Lohizunen sortua baina Española jatorriz, Maïna-k dantza españolak ezagutzen ditu 5 urte dituelarik, Elvira VINES SOTO-rekin. Hiru urteren buruan, dantza klasikoa hasten du Gina BARTISSOL-ekin. Hamabost urte dituelarik, Lele DE TRIANA-ren (Opera de Paris-eko español baletaren maisu) SOL Y SOMBRA taldean sartzen da. Eta beraz, Frantziako eta atzerriko antzoki haundienetan dantzatzen du. Hemezortzi urtetan, Rafaël AGUILAR-ren (Madrileko baleta nazionalaren koregrafia-egile) baletan hartua da eta sei urtez, dantza españolaren estilo ezberdinak eta flamenkoa ikasten ditu.

1975-ean, Maïna Donibane Lohizunerat itzultzen da eta hor, bere akademia edo eskola sortzen du. Bere ikasle hoberenekin, talde bat sortzen du eta jaialdi ainitzetan parte hartzen : hala nola Mont de Marsan-en, Tarbes-en, Pariseko dantza erakusketan. Kasino haundietan dantzatzen du ere : Miarritzen, Deauville-n, Valreas-en…

1992-an, Parisen, Maïna-k Scene Française-eko koregrafia txapelketan lehen saria lortzen du. NIEVES ONGAY baleta españolan parte hartzen du eta hilabete batez, Genes hiriko CARLO FELICE gelan dantzatzen du (Italian). Bilboko ARRIAGA antzokiarentzat Carmen-en koregrafia egiten baita ere Luis Marianori egiten zaion omenaldiaren koregrafia (Pariseko CIRQUE D’HIVER delakoan).

1995-ean, Lehen Jaialdi Andaluziarra antolatzen du eta urte guziz Espainiako talde haundienak ekarrazten (R. AGUILAR, A. CANALES, J. ANTONIO eta abar…). 1999-an, bere konpainia sortzen du eta bere CAPRICHO FLAMENCO sorkuntza aurkezten Baionako antzokian eta ondotik St Cloud hiriko 3 PIERROTS antzokian. 2001-ean, Miarritzeko Temps d’aimer jaialdian bertze sorkuntza bat aurkezten du : IMPREVISIBLES sorkuntza garaikidekoa edo kontenporaneoa. 2002, bertze sorkuntza baten urtea da : flamenko berritzaile bat eta benetakoa ere… Hau dugu PARFUM FLAMENCO sorkuntza, Tarbes hiriko jaialdi andaluziarrean aurkeztua. 2005-ean, Pascal GAONA-ren azken emanldiaren sorkuntzan parte hartzen du : FLAMENCO.FR

2007 urtearen hastapenetik, BODARIN emanaldiaren flamenko partea sortzen du Christian LARRALDE-rekin. Lan horri esker, bere artearen alde berri batean sartzen da, euskal dantzari mestizatuz edo nahasiz.

Christian Larralde

2008-10-15T20:17:00.005+02:00

Parisen sortua 1971-ean, Christian Larralde-k euskal dantza 4 urtetan hasten du, GAZTERIA taldean. Nerabetasunetik edo gazte denetik, Portugalen, , Eskozian, Espainian, Yougoslavian eta Italian barna ibiltzen da, Euskal Herriko dantza taldeekin, oporrak dituelarik.

1987-an, GAZTERIA taldearen zuzendaritza hartzen du, Pariseko Euskal Etxean. Hor, ANAIKI gizon-abesbatzaren nagusia ezagutzen du : Jean-Marie GUEZALA. 2000-garren urtean, ANAIGAZTEAK konpainia sortzen du eta « Ibilaldi bat » proiektuaren zuzendaritza artistikoan parte hartzen. Emanaldia, Pariseko Trianon théâtre antzokian emana izan da 2001-ean eta ondotik Baionako antzokian 2002-an.

2001-tik Donibane Lohizunen izanki, edozein emanalditan ikus dezakegu. Gabadiko Iruski taldearen « Dantza » emanaldiaren koregrafia berria egiten du. Emanaldi hori, Txekoslovakiako eta Ukraniako jaialdi zonbaitetan aurkeztua da 2003-ko udan. Hazparneko taldearen « Mendetan » eta « Ikurinari » emanaldietan parte hartzen du ere koregrafio bezala. 2004-ean, « West Ibarre Side Story » komedia musikalarentzat lan egiten du. 2005-ean, Garaztarrak taldearen emanaldi berria sortzen du. Ohitura eta berrikuntzaren nahasteko duen axola, hip hop eta dantza tradizionalen arteko nahasketan agertzen da. 2006-an, Donapaleuko Burgaintzi taldearen emanaldian parte hartzen du eta ondotik, « Senpereko Sorginak » sorkuntzan ere, hau Senpereko helduentzat egina delarik.

2004-eko azaroan, « Bidean Zehar » emanaldia aurkezten du, Gayarre antzokian eta gero Luhuson, Donibane Garazin eta Donibane Lohizunen, ANAIGAZTEAK konpainiarekin. Emanaldi horren bidez, Juan Antonio URBELTZ idazle-koregrafialari famatuarekin lan egiten du. Lau emanaldietan, 4 000 ikusle nunbaitan bildu ditu. Emanaldi horren arrakasta ikusiz, « BODARIN » emanaldiaren sortzeko asmoa dauka 2007-an. Horrela, bertze kultureri egiten den idekitzea edo zabaltzea eta mestizatzea edo nahasketa sakonduko ditu.

Argumentu

2008-10-15T07:28:00.000+02:00

« Biziki aberats den euskal arte herrikoiaren iturrietan, mailegatzeko gaitasun goiztiar bat azpimarratuz hasi behar da. Haren zahartasun haundia eta kontserbazio ahalmena ukatu gabe, bi elementu horiek eskuratzeko edo beretzeko izugarrizko ahalmen batez bikoizten direla ados jarri behar dugu. »

Jean-Michel Guilcher-en La Tradition de danse en Béarn et Pays Basque Français liburutik

Anaigazteak konpainiak Iparraldeko dantzari biltzen ditu eta Arbona, Basusarri, Ezpeleta, Gabadi, Luhuso, Urruña edo Donibane Lohizungo herrietako gazteria federatzen du. Dantzari horiek, beren jatorrien atxikitzeko arduratsu baitira bainan denbora berean euskal dantzaren ondarea aberastu nahi baitute, bertze aukerak arakatzen dituzte euskal dantzarentzat, bertze irakasgaiekin mestizatuz edo nahasiz. Honela, 2001-ean "Ibilaldi Bat"-ekin eta 2004-ean "Bidean Zehar"-ekin, konpainiak, dantzaren eta kantuaren arteko lotura edo harremana goraipatu zuen, Pariseko ANAIKI gizon-abesbatzaren laguntzarekin. Emanaldi horiek 6 000 ikusle bildu dituzte Pariseko Trianon Théâtre antzokian, Baionako antzokian, Iruñako Gayarre antzokian, Donibane Garazin edo Donibane Lohizunen. Guti landua izan den itxura bat taulen gainerat ekarri dute : kantatuak diren dantzak.

« Bodarin » duzu, Anaigazteak konpainiaren lan berria. Hortan, 3 helburu aurkitzen dira :

1. Boda Arin – Kontrako Ezkontza : Euskal kostalde osoan, Lapurdiko ihauteriek urteko momentu azkar bat osatzen dute. Denbora berean, sorginkeria ihauterien garaiari biziki lotua zaio. Gure irudimenean leku haundi bat dauka eta bereziki, 1609-an Pierre de Lancre-k egin dituen epaiketen ondotik. Ohituraren antzeratze baten egiteko ordez, Anaigazteak konpainiak gertakari horien mamia atxiki nahiago du, gaurko munduari egokituz. Ohitura – Berrikuntza ; Ihauteri – Sorginkeri ; Xuri – Beltz ; Euskal Dantza – Modern Jazz ; aurkako edo kontrako guzi horiek dantza emanaldiaren lehen partean ezkontzen dira.

2. Boda Arin – Ezkontza zalua : Amaya, herriko neskekin flamenkoan norgehiagoka ari zelarik samurtuta, bere sorterritik joaiten da. Bere bidaian, desafioka ari diren euskaldun gazte batzu aurkitzen ditu. Bi kulturen arteko topaketa baten aukera dugu hemen… Flamenka arima eta adorea, euskal zalutasun eta harrotasunarekin ezkonduko ote dira ? Bigarren parte hortan, hori dautzuegu eskaintzen.

3. Boda Arin – Ezkontza abila : Efektu bereziak, bideoa, dantzari goraldia, grabaketak eta musikariak nahasten dituen 5.1 surround soinua, horiek denak dira emanaldian agertzen. Soinu eta ikuste-elementuak naturalki sartzen dira, teknika hor dago emanaldiaren estetika ikusgarriago bilaka-arazteko.

Gaurko koregrafia, munduari eta berrikuntzari idekia, sustraiak ahantzi gabe…

Hau duzue Bodarin .